اس طرح دل کے زرد آنگن میں
تیری یادوں کے داغ جلتے ہیں
جیسے آندھی میں ٹوٹی قبروں پر
سہمے سہمے چراغ جلتے ہیں

نام بھی اچھا سا تھا چہرہ بھی تھا ماہتاب سا
ہاں ہمیں کچھ یاد ہوتا ہے مگر اک خواب سا

آؤ اک سجدا کریں عالمِ مدہوشی میں
لوگ کہتے ہیں کہ ساغر کو خدا یاد نہیں

ناکام کہیں ایسا مقدر نہیں دیکھا
خوشیوں نے کبھی ہم کو پلٹ کر نہیں دیکھا
یوں محوِ عبادت ہوئے ہم یاد میں انکی
پھر دل سے کبھی جھانک کے باہر نہیں دیکھا

جاں بخش سی اک برگ گل تر کی تراوٹ
وہ لمس عزیزِ دو جہاں یاد رہے گا

ہم بھول سکے ہیں نہ تجھے بھول سکیں گے
تو یاد رہے گا، ہمیں ہاں‌یاد رہے گا

ہاں بزم شبانہ میں ہمیں شوق جو اس دن
ہم تو تری جانب نگراں یاد رہے گا

کچھ میر کے ابیات تھے، کچھ فیض کے مصرے
اک درد کا تھا جن میں بیاں‌یاد رہے گا

وہ ٹیس کے ابھری تھی اِدھر یاد رہے گی
وہ درد کے اٹھا تھا یہاں یاد رہے گا

ہم شوق کے شعلے کی لپک بھول بھی جائیں
وہ شمع فسردہ کا دھواں یاد رہے گا

اس شام وہ رخصت کا سماں یار رہے گا
وہ شہر ، وہ کوچہ ، وہ مکاں یاد رہے گا