ہُو بہُو اس کے خیالات میں ڈھل جاتے ہیں

ہم بھی کیا لوگ ہیں باتوں سے پگھل جاتے ہیں

اور تو ہم سے بگڑ سکتا ہے کیا ظالم کا

چھو کے جب اس کو ہوا گزرے تو جل جاتے ہیں

تیرے لب دیتے ہیں الفاظ کو دھنک رنگ لباس

لفظ ہوتے ہیں وہی معنی بدل جاتے ہیں

ان کی خوشبو سے مہک سکتا ہے گھر کا ماحول

لوگ جن پھولوں کو پاؤں میں مسل جاتے ہیں

یاد آ جاتی ہیں جب ہم کو تمہاری آنکھیں

ہم کہیں دور بہت دور نکل جاتے ہیں

بچھڑ کے جب بھی وہ مجھ سے جانے لگتا ہے

مرا وجود ہی مجھ کو ڈرانے لگتا ہے

یقین کر کہ ہواؤں کا سرد جھونکا بھی

جلا کے مجھ کو مرا دل جلانے لگتا ہے

کروں میں سامنے دیوار اپنے ہاتھوں سے

تمہارا نام جو کوئ مٹانے لگتا ہے

تمہاری یاد کی پرچھائیوں کے دامن سے

یہ کون درد کے پنچھی اڑانے لگتا ہے

حواس باختہ ہو کر ہوا کا جھونکا بھی

دیوں کو وقتِ سحر خود بجھانے لگتا ہے

دل ہے میرا یاد کے تپتے ہوئے صحراؤں میں

درد کی گہرائیاں ہیں رات کے پچھلے پہر

پھر طلاطم خیز موجوں کی روانی پر گھڑا

کس کی یہ رسوائیاں ہیں رات کے پچھلے پہر

تیرا گھر ویران ہے جو میرے آنگن کی طرح

چاک داماں تو بھی ہو گا میرے دامن کی طرح

اب تلک الجھا ہوا ہوں تیری یادوں میں کہیں

لاکھ سلجھایا ہےمیں نے خود کو الجھن کی طرح

اشکوں کے دیپ لے کے ہتھیلی پہ رات بھر

دیکھیں گے آرتی بھی تری ہم اتار کر

سر سے شبِ سیاہ کے چادر سرک گئ

شیشے میں چاند رات کا چہرہ اتار کر

چہرہ تو سرخ پھول کا زخموں سے بھر گیا ،

خوشبو نکل گئ تھی لبادہ نکھار کر

ہارا نہیں میں شاد محبت میں اس لئے

یادیں جو جیت لی ہیں محبت کو ہار کر

یہ جو سرخ سرخ گلاب ہیں ،نہ ہی تیر ہین نہ کمان ہیں

کئ حسرتوں کے ہیں سلسلے،کئ چاہتوں کے جہان ہیں

وہ جو ٹمٹماتے چراغ ہیں ،ابھی آسمان کی گود میں

نئ منزلوں کے ہیں راستے،نۓ راستوں کے نشان ہیں

ابھی سو رہی ہیں سکون سے،شبِ غم کی راکھ میں شام سے

تری یاد کی سبھی دیویاں ،مرا عشق ہیں مری جان ہیں

غم جو تیرے درد کا خنجر ہوا

زخم میری روح کے اندر ہوا

میں تو اتنی کرچیوں میں بٹ گیا

جتنے ٹکڑے آئینہ گر کر ہوا

چھا گئ کتنی اداسی چارسو

آنکھ سے اک اشک جو بے گھر ہوا

اب تلک تو بولتی تصویر تھا

کس طرح وہ سوچ کا پتھر ہوا

میں الگ تھا خود بھی اپنی ذات سے

جب وہ میری سوچ کا محور ہوا

سو گیا سورج میری دہلیز پر

رفتہ رفتہ شام کا منظر ہوا

شاد یادوں کے پرندے دیکھ کر

دشت و صحرا درد کا شہپر ہوا

لہروں کے جسم میں جو عجب ارتعاش ہے

جانے سمندروں کو بھی کس کی تلاش ہے

بانٹے گا میری سوچ کو ٹکڑوں میں رات بھر

شیشۂ دل سدا کی طرح پاش پاش ہے

مجھ سے بچھڑ گئیں مرے بچپن کی ساعتیں

اب تو غمِ حیات ہے فکرِ معاش ہے

دونوں سلگ رہے ہیں جدائ کی آگ میں

منظر محبتوں کا بڑا دل خراش ہے

خوشبو بکھر گئ ہے ہواؤں میں کُو بکُو

لیکن خزاں کے دوش پہ پھولوں کی لاش ہے

مٹنے نہ دے گی شاد جو یادوں کے سلسلے

چہرے پہ میرے وقت کی ایسی خراش ہے

تری ہستی رہِ ہستی کے گلزاروں کی زینت

کہیں پہ چاند اور کہیں تاروں کی زینت

جو تتلی دھوپ کی رس چوس لے اپنے لبوں سے

اجڑ جاتی ہے عکسِ گل کے رخساروں کی زینت

تری یادوں کی برکھا رت نے دروازہ جو کھولا

مرے دل کے کئ ٹکڑے تھےدیواروں کی زینت

معاف کر دینا خطائیں اب خدا کے واسطے

لو بچھڑ کر جا رہے ہیں ہم سدا کے واسطے۔۔۔۔۔۔

چھوڑ جاتے ہیں مسافر وقت کی دہلیز پر

لمحہ لمحہ اپنی یادوں کو خدا کے واسطے

ہم ہیں زندانوں کے پنچھی موت سے خائف نہیں

تم نئ تحریر لکھو پھر سزا کے واسطے

زرد پتے اک شجر پر صورتِ کشکول تھے

جو گِرا آندھی سے ٹھہرا تھا سزا کے واسطے

سر جھکا کر شہر میں آنا پڑا جس شخص کو

سر کٹا آیا وہ اپنا خود انا کے واسطے

زندگی کی شام سے پہلے مجھے آواز دے

مجھ کو مٹنا ہے بنا ہوں میں فنا کے واسطے

اک خواہش پھر رہی ہے چلچلاتی دھوپ میں

چیختی ہے شاد جو اب بھی ردا کے واسطے

فاصلے ایسے بھی ہونگے ،یہ کبھی سوچا نہ تھا ،

سامنے بیٹھا تھا میرے اور وہ میرا نہ تھا

آنکھ کا دہوکہ کہوں اس کو کہ سائے کا وجود،

میں اسے محسوس کر سکتا تھا ،چھو سکتا نہ تھا

خود چڑھا رکھے تھے تن پر اجنبیت کے غلاف،

ورنہ کب اک دوسرے کو ہم نے پہچانا نہ تھا

رات بھر پچھلی ہی آہٹ کان میں آتی رہی،

جھانک کر دیکھا گلی میں کوئ بھی پھرتا نہ تھا

یہ سبھی ویرانیاں اس کے جدا ہونے سے تھیں ،

آنکھ دھندلائ ہوئ تھی،شہر دھندلایا نہ تھا

یاد کر کے اور بھی تکلیف ہوتی تھی عدیم،

اب سوائے بھول جانے کے کوئ چارہ نہ تھا

کوئ خواب آنکھوں میں بس گیا ،کوئ یاد دل میں اتر گئ ،

غمِ جانِ جاں ترا شکریہ،مری زندگی بھی سنور گئ

وہ جو ایک لمحضہ وصال کا ،وہ گمان تھا یا خیال تھا ،

وہی اک گھڑی تھی نشاط کی ،جو گزر گئ سو گزر گئ

کہیں اس کے ماتھے کی اک شکن ،نظر آئ ہم کو تو یوں لگا ،

کوئ لہر تھی جو ابھر گئ،کوئ موج تھی جو بپھر گئ

یاد آؤں گا اُسے‘ آ کے منائے گا مجھے
اور پھر ترکِ تعلق سے ڈرائے گا مجھے

آپ مسمار کرے گا وہ گھروندے اپنے
اور پھر خواب سہانے بھی دکھائے گا مجھے

مجھ کو سورج کی تمازت میں کرے گا تحلیل
اور مٹی سے کئی بار اُگائے گا مجھے

اپنی خوشبو سے وہ مانگے گا حیا کی چادر
زیب قرطاسِ بدن جب بھی بنائے گا مجھے

ربِ ایقان و عطا! عمر کے اس موڑ پہ کیا
راستے کرب کے ہموار دکھائے گا مجھے

میں کڑی دھوپ کا سایہ ہوں کڑے کوس کا ساتھ
بھولنا چاہے گا وہ‘ بھول نہ پائے گا مجھے

میری شہہ رگ پہ تمسخر کی چھری رکھے گا
گاہے پلکوں پہ تقدس سے سجائے گا مجھے

آنکھ لگ جائے گی جب ہجر کے انگاروں پر
نیند میں آ کے دبے پاؤں جگائے گا مجھے

تو بھی زنجیر پہن لے گا انا کی اک دن
میری غزلیں مرے لہجے میں سنائے گا مجھے

میں تو ہر بار مراسم کی بنا رکھتا ہوں
سوچتا ہوں کہ کبھی تو بھی منائے گا مجھے

جن سے ملتا ہو سراغِ رہِ منزل احمد
وہ لکیریں مرے ہاتھوں پہ دکھائے گا مجھے

ہم  نے  خوشیوں  کی  طرح  دکھ  بھی  اکٹھے  دیکھے
         صفحہ   زیست   کو   پلٹو   گے تو   یاد   آؤں   گا

               اسی  انداز  میں   ہوتے   تھے   مخاطب   مجھ   سے
        خط   کسی  اور   کو  لکھو  گے  تو  یاد   آؤں   گا

               سرد    راتوں    کے   مہکتے    ہوےّ    سناٹوں   میں
        جب  کسی  پھول  کو  چومو  گے  تو  یاد  آؤں گا

               اب  تو  یہ  اشک  میں   ہونٹوں  سے  چرا لیتا  ہوں
         ہاتھ  سے خود انہیں  پونچھو گے  تو یاد  آؤں  گا

               شال    پہناےّ   گا   اب  کون   دسمبر   میں   تمہں
        بارشوں   میں  کبھی  بھیگو  گے  تو  یاد  آؤں  گا

             اس  میں  شامل   ہے   مرے  بخت  کی  تاریکی بھی
        تم  سیاہ   رنگ  جو   پہنو  گے  تو  یاد  آؤں  گا

تم مری آنکھ کے تیور نا بھلا پاؤ گے

ان کہی بات کو سمجھو گے تو یاد آؤں گا

ہم نے خوشیوں کی طرح دکھ بھی اکٹھے دیکھے

صفحہء زیست کو پلٹو گے تو یاد آؤں گا

اسی انداز میں ہوتے تھے مخاطب مجھ سے

خط کسی اور کو لکھو گے تو یاد آوں گا

میرے خوشبو تمہیں کھولے گی گلابوں کی طرح

تم اگر خود سے نا بولو گے تو یاد آؤں گا

آج تو محفل یاراں پے ہو مغرور بہت

جب کبھی ٹوٹ کے بکھرو گے تو یاد آوں گا

شال پہنائے گا کوں دسمبر میں تمہیں

بارشوں میں‌کبھی بھیگو گے تو یاد آوں گا

حادثے آیئں گے جیون میں تو تم ہو کے نڈھال

کسی دیوار کو تھامو گے تو یاد آؤں گا

اس میں شامل ہے میرے بخت کی سیاہی بھی

تم سیاہ رنگ جو پہنو گے تو یاد آؤں گا

اک ایسا روز بھی آئے گا

جب یاد میری دہراؤ گے

تب کچھ بھول نا پاؤ گے

تم لاکھ بھلانا چاہو گے

اک ایسا روز بھی آئے گا

جب راہ ہماری دیکھو گے

پھر گزرا وقت نا آئے گا

تم لاکھ بھلانا چاہو‌گے

اک ایسا روز بھی آئے گا

تمہیں نئے ساتھی مل جایئں گے

پر ہم تو مل نا پایئں گے

تم جب بھی آیئنہ دیکھو گے

تو عکس میرا ہی پاؤ گے

اک روز پھر ایسا آئے گا

تم صحرا صحرا بھٹکو گے

وہ گلشن ہو یا ویرانہ

پر ہم کو ڈھونڈ نا پاؤ گے

اک روز پھر ایسا آئے گا

آج روٹھے ہوئے ساجن کو بہت یاد کیا
اپنے آجڑے ہوئے گلشن کو بہت یاد کیا

جب کبھی گردش تقدیر نے گھیرا ہے ہمیں
گیسو یار کی ایجھن کو بہت یاد کیا

شمع کی جوت پہ جلتے ہوئے پروانوں نے
اک تیرے شعلہ دامن کو بہت یاد کیا

جس کے ماتھے پے  نئی صبح کا جھومر ہو گا
ہم نے اس وقت کی دلہن کو بہت یاد کیا

آج ٹوٹے ہوئے سپنوں کی بہت یاد ائی
آج بیتے ہوئے ساون کو بہت یاد کیا

ہم سر طور بھی مایوس تجلی ہی رہے
اس در یار کی چلمن کو بہت یاد کیا

مطمئن ہو ہی گئے دام و قفس میں ساغر
ہم اسیروں نے نشیمن کو بہت یاد کیا۔۔۔۔۔۔۔

میری خوشبو تمہیں کھولے گی گلابوں کی طرح
تم اگر خود سے نہ بولو گے تو یاد آؤں گا
شال پہنائے گا اب کون دسمبر میں تمہیں
بارشوں میں‌کبھی بھیگو گے تو یاد آؤں گا
آج تو محفلِ یاراں پہ ہو مغرور بہت
جب کبھی ٹوٹ کے بکھرو گے تو یاد آؤں گا

تم نے کہا تھا ساون میں آؤں گا
تیرے آنگن میں دل اتنا بے چین ہوا ہے
اب میرا معمول بنا ہے جب ساون کو تکتی ہوں
اس سے پوچھنے لگتی ہوں تم کب لوٹ کر آؤ گے
ہرایک لمحہ اسے یوں تو پاس دیکھتی ہوں
مگر میں خود کو اکثراداس دیکھتی ہوں
جتنے موسم آتے ہیں میرا دل تڑپاتے ہیں
جتنے پھول کھلتے ہیں تیری یاد دلاتے ہیں
جب پھولوں کو میں تکتی ہوں
ان سے پوچھنے لگتی ہوں تم کب لوٹ کر آؤ گے