اتصال روحوں کا جسم جسم کب ہوگا
دوست جس کو سمجھے ہم ، دشمنِ وفا پایا
گھر چراغ سے خالی ، رہگزر چراغاں ہے
ایک ہی تصور کو بارہا جدا پایا
آئینے کو پتھر پر کیوں گرا رہا ہوں میں
کس نے اس زمانے میں پیار کا صلہ پایا
نام ہے ظفر میرا غم ملا تو غم کیسا
ہر شکست پر خود کو جرات آزما پایا

یہاں بدلہ وفا کا بے وفائی کے سوا کیا ہے
محبت کر کے بھی دیکھا محبت میں بھی دھوکہ ہے

سنا ہے کہ تو بے وفا ہوگیا
مرے دوست قصہ یہ کیا ہوگیا
اگر مانگ لے تو اے جانِ جگر
تمہیں جان دے دوں میں یہ جان کر
کہ حق دوستی کا ادا ہوگیا
سنا ہے کہ تو بے وفا ہوگیا
قیامت سے کم یار یہ غم نہیں
کہ تو اور میں  رہ گئے ہم نہیں
مرا یار مجھ سے جدا ہوگیا
سنا ہے کہ تو بے وفا ہوگیا

کہاں ہو تم چلے آؤ محبت کا تقاضا ہے
غم دنیا سے گھبرا کر تمہیں دل نے پکارا ہے
تمہاری بے رخی اک دن ہماری جان لے لے گی
تمہاری بے رخی اک دن ہماری جان لے لے گی
قسم تم کو ذرا سوچو یہ دستورِ وفا کیا ہے
غمِ دنیا سے گھبرا کر تمہیں دل نے پکارا ہے
نہ جانے کس لۓ دنیا کی نظریں پھر گئیں ہم سے
نہ جانے کس لۓ دنیا کی نظریں پھر گئیں ہم سے
تمہیں دیکھا تمہیں  چاہا  قصور اس کے سوا کیا ہے
غمِ دنیا سے گھبرا کر تمہیں دل نے پکارا ہے
نہ ہے فریاد ہونٹوں پر نہ آنکھوں میں کوئی آنسو
نہ ہے فریاد ہونٹوں پر نہ آنکھوں میں کوئی آنسو
زمانے سے ملا جو غم اسے گیتوں میں گایا ہے
غمِ دنیا سے گھبرا کر تمہیں دل نے پکارا ہے
کہاں ہو تم چلے آؤ محبت کا تقاضا ہے

دلکش مناظروں کے ہیں عرصے قلیل کیوں
سرعت سے بیت جاتا ہے عہد شکیل کیوں
جگنو سے اڑتے پھرتے ہیں وحشت کے آس پاس
ترسی ہوئی ہے چاند کو آنکھوں کی جھیل کیوں
موسم تمہاری یاد کا آیا تو پھر کھلا
ہر ایک زخم لگتا ہے دل کا جمیل کیوں
ہر گم کی تشنگی کا مداوا نہیں ہیں یہ
اشکوں کی ہر قدم پہ لگاوں سبیل کیوں
گہرا سکوت چھایا ہے ہلچل کے شہر میں
معدوم ہو گئی ہے خوشی کی دلیل کیوں
ہنس کر وفا کے میں نے تو جھنڈے اٹھاۓ تھے
ہاتھوں میں  میرے پڑ گۓ لیکن  یہ نیل کیوں
دشمن کو دے رہا ہے محبت سے مشورے
مجھ سے بدل گیا میرا اپنا وکیل کیوں
کشتی کو لے کے بیٹھوں کنارے پہ کب تلک
سستی روانیوں میں ہے دریاۓ نیل کیوں
اتنا مجھے یقین ہے بھولا نہیں ہے وہ
لیکن یہ رابطوں میں ہیں وقفے طویل کیوں
انجم تھے منزلوں سے روابط کے جو نشاں
غائب ہیں راستوں سے وہی سنگِ میل کیوں

قصۂ غم میں ترا نام نہ آنے دیں گے
ہم ترے پیار پہ الزام نہ آنے دیں گے
قصۂ غم میں تیرا نااااااااااام
گر ترے غم میں پھرے چاک گریباں ہوکر
تیرے کوچے سے نہ گزریں گے پریشان ہوکر
ہم کبھی تجھ کو لبِ بام نہ آنے دیں گے
ہم ترے پیار پہ الزام نہ آنے دیں گے
قصۂ غم میں ترا نااااااااااام
دل تو ٹوٹا ہے نہ ٹوٹے گا مگر عہدِ وفا
جل کے اس آگ میں ہم راکھ بھی ہوجائیں تو کیا
لب پہ ہم آہوں کا پیغام نہ آنے دیں گے
ہم ترے پیار پہ الزام نہ آنے دیں گے
قصۂ غم میں ترا ناااااااااااااام  

خیال بن کے جو دل میں اترنے والے ہیں
مری وفا میں وہی لوگ رنگ بھرنے والے ہیں

دل جلا کر بھی دلربا نکلے
میرے احباب کیا سے کیا نکلے
آپ کی جستجو میں دیوانے
چاند کی راہگزر پہ جا نکلے
سوزِ مستی ہی جب نہیں باقی
سازِ ہستی سے کیا صدا نکلے
دیکھئے کارواں کی خوش بختی
چند رہزن بھی رہنما نکلے
یوں تو پتھر ہزار تھے لیکن
چند گوہر ہی بے بہا نکلے
دل بھی گستاخ ہو چلا تھا بہت
شکر ہے آپ بے وفا نکلے
کس کی دہلیز پر جھکیں محسن
جتنے انساں تھے سب خدا نکلے

اُس نے ہم کو پتھروں پر لکھ لیا
ہم نے جس کو ساحلوں پر لکھ لیا
اپنی قسمت، اپنا بخت، اپنا نصیب
خود ہی ہم نے جنگلوں پر لکھ لیا
آج شب اُس بے وفا کے نام کو
ہم نے اپنے رتجگوں پر لکھ لیا
عکس اجمل چوہدویں کے چاند کا
اپنے دل کے آئنوں پر لکھ لیا

کوئی تو ہوتا مر ا بھی ساتھی کوئی سنتا فسانہ دل کا
کوئی تو کہتا مجھے بھی اپنا کوئی تو ہوتا دیوانہ دل کا
وہ کون ہے جو وفا کرے گا کہے گا دل سے مجھے بھی اپنا
کسی کو جو غم مرا نہیں ہے تو پھر کسے غم سُنانا دل کا
گو لاکھ سمجھایا ہم نے دل کو وہ شخص تیر ا نہ ہے نہ ہوگا
غضب ہے باوصف اس کے یاروں وہ ٹوٹ کر اُس پہ آنا دل کا
کبھی جو محفل میں بیٹھے تھے ہم میں کیا کہوں کیا شرارتیں تھی
کبھی نگاہیں مِلانا اُن سے کبھی نگاہیں چُرانا دل کا
کبھی وہ رونا ، کبھی وہ ہنسنا ، کبھی تڑپنا ، کبھی مچلنا
کہاں گئی پیار کی وہ باتیں ، کہاں گیا وہ زمانا دل کا
کبھی وہ آئیں گے اس طرف کو کبھی تو اپنا کہیں گے مجھ کو
کبھی کہیں گے وہ مجھ سے ضیغم ذرا کہو تو فسانا دل کا

اِنتظار کے موسم مجھے سہانے لگتے ہیں
اِنتظار کے موسم مجھے سہانے لگتے ہیں
یادوں کے موسم مجھے دیوانے لگتے ہیں
اِک میں ہی نہیں پاگل اُس شمع کے پیار میں
ہزارو شخص اب تو پروانے لگتے ہیں
جب بھی بات کرؤں قصہٰ وفا کی اُن سے
وہ ایسی بات کرتے ہیں مجھے رُولانے لگتے ہیں
غموں سے رشتہ، چاہت اُنکی، کب کہا کے میری نہیں
پریت کے دُکھ میں اُلجھے لوگ، مجھے سُلجھانے لگتے ہیں
تیرے چاہنے والے جو تیرے تھے کبھی عدیل
نجانے کیوں آج خود سے بھی بیگانے لگتے ہیں  

اقرارِوفا، اُمیدکرم، کچھ کہہ نہ سکے، کچھ بھول گئے
وعدے وہ تیرے مبہم مبہم، کچھ کہہ نہ سکے، کچھ بھول گئے

دل میں تو محبت ہے لیکن کہتے ہوۓ کیوں شرماتے ہو
اظہارِ وفا کرتے کرتے کیا بات ہے کیوں رک جاتے ہو

اب کسی کو دیکھ کر اک سمت مُڑ جاتے ہئں ہم ،

جس سے ملنا چاہتے ہیں اس سے کتراتے ہیں ہم ۔

لوگ تجھ کو بے وفا کہتے ہیں ،ان سے کیا گلہ،

رنگِ دنیا دیکھ کر خاموش ہو جاتے ہیں ہم ،

دلوں کو صدق ومحبت سے آشنا کر کے

کوئی تو ہو جو دکھاۓ یہ ابتدا کر کے

جہاں امید ہی باقی نہ ہو بھلائی کی

وہاں کرے بھی تو کیا آدمی گلہ کر کے

کسی کے روٹھ کے جانے سے کچھ نہی ہوتا

کسی کو روکنا پڑتا ہے التجا کرکے

ستم گری کا یہ انداز تو پرانا ہے

اسے کہو کہ دکھاۓ وہ کچھ نیا کر کے

اگرچہ ترکِ تعلق خود اس کی خواہش تھی

مگر وہ خوش بھی نہیں تھا یہ فیصلہ کر کے

ہم آگئے ہیں تو اتنی بھی بر ہمی کیا ہے

فقیر ہیں سو چلے جائیں گے صدا کر کے

اب آئے جس کو وفا کی ڈگر پہ چلنا ہے

دکھا دیا ہے فرح ہم نے انتہا کر کے

قفس کے سارے تقاضوں سے آشنا کر کے

بہت ہی بھول کی صیاد نے رہا کر کے

وہ پھر سے کیوں مجھے تسخیر کرنا چاہتا ہے

شروع وفا کانیاایک سلسلہ کر کے

اے عشق تیرے مسائل اٹل،،،اٹل معیار

پر آج خوش کیوں نہیں تو مجھے گدا کر کے

کبھی تو آے گا وہ بوسہ لینے ہاتھوں کا

میں ان کو بیٹھی ہوئی ہوں حنا حنا کر کے

وہ صائمہ تھا کبھی تجھ کو جان ودل سے عزیز

بچھڑنا ہوگا تجھے دل بہت کڑا کر کے

مری تصویر مرے خط بھی جلانے والے

میں نہ بھولوں گا تجھے مجھ کو بھلانے والے

کون چاہے گا تجھے میری طرح دنیا میں

دل کی تختی سے مرا نام مٹانے والے

یہ ضروری تو نہیں ہم کو خوشی ہو حاصل

ہم تو طالب ہیں ترے غم ہی اٹھانے والے

اب زمانے سے نہیں کوئی شکایت ہم کو

اس نے بھی سیکھ لئے گر یہ زمانے والے

رکھ کبھی پیار کا مرہم بھی مرے زخموں پر

مجھ کو ہر روز نیازخم لگانے والے

تو ہی قاتل ہے مرا صاف نظر آتا ہے

خون سے لتھڑے ہوۓ ہاتھ چھپانے والے

سیف دیکھی نہ کبھی ان کی نگاہوں میں وفا

جتنے دیکھے ہیں یہاں دل کو لبھانے والے

نادان دل ! فریبِ محبت نہ کھا کبھی

دنیا میں کس نے کی ہے کسی سے وفا کبھی

ایسابھی اتفاق جنوں میں ہوا کبھی

میں ہنسے ہنستے،سوچ کے کچھ ،رو پڑا کبھی

بیٹھاہوں اس امید پہ اک راہگزار پر

لے آئے اس طرف تجھے شاید خدا کبھی

اے دل یہ میرا حسنِ سماعت نہ ہو کہیں

تو نے بھی کیا سنی ہے وہ آوازِ پا کبھی

اُس رشکِ گل کے ساتھ گئی تھی خرام کو

پھر لوٹ کر اِدھر نہیں آئ صبا کبھی

رفعت غموں کی تیز ہواؤں کے باوجود

ہم نے چراغ دل کا نہ بجھنے دیا کبھی

وفا کی راہ میں جاں دیں گے مسکرا کرکے

نکل پڑے ہیں رہِ عشق میں دعا کر کے

جلے جلے ہیں مکاں اور جلی سڑی لاشیں

امیرِ شہر گیا ہےکشت و خوں بپا کر کے